Fréttir

Vegna strengvæðingar gæti komið til rafmagnstruflana á norðanverðum Tröllaskaga þann 4. desember 2024 frá kl. 09:00 til kl. 18:00. Á meðan á framkvæmdum stendur verður svæðið keyrt á varaafli.

Á næstu dögum verður aðventu- og jóladagskrá dreift í hús í Fjallabyggð þar sem fram koma upplýsingar um helstu viðburði í bæjarfélaginu á komandi aðventu. Tilvalið er að varðveita dagatalið og hengja það upp. Dagskráin er einnig aðgengileg hér fyrir neðan til lestrar eða útprentunar.

Við færum hátíðarhöldin sem halda átti í Ólafsfirði á morgun 30. nóvember vegna slæmrar veðurspár ! Ljósin verða tendruð á jólatrjánum sunnudaginn 1. desember í Ólafsfirði kl. 14:00 og á Siglufirði kl. 17:00. Jólamarkaður Tjarnarborgar verður einnig 1. desember frá kl. 13:00-16:00.

Grunnskóli Fjallabyggðar, Tjarnarstíg, auglýsir eftir öflugum og jákvæðum einstaklingi til að gegna 100% stöðu skólaliða frá 1. janúar 2025.

250. fundur bæjarstjórnar Fjallabyggðar, verður haldinn í Tjarnarborg, Aðalgötu 13, Ólafsfirði þann 28. nóvember 2024 kl. 17:00.

Hraðbanki Arion banka á Ólafsfirði er bilaður og er verið að vinna í því að laga hann eins og fljótt og auðið er.

Vegna skipulagsdags í Grunnskóla Fjallabyggðar mánudaginn 25. nóvember nk. fellur fyrsta ferð skólarútu niður. Akstur verður að öðru leyti samkvæmt áætlun þann dag.

Kristín R. Trampe, handverkskona hefur hlotið nafnbótina Bæjarlistamaður Fjallabyggðar 2025. Markaðs- og menningarnefnd Fjallabyggðar samþykkti á fundi sínum fimmtudaginn 21. nóvember 2024 að útnefna Kristínu R. Trampe sem Bæjarlistamann Fjallabyggðar 2025.

Vegna veðurs og færis má búast við einhverjum töfum á sorphirðu í vikunni. Starfsfólk vinnur hörðum höndum að því að sinna sorphirðu, en færðin hefur gert verkið tímafrekara en venjulega. Við hvetjum íbúa eindregið til að moka frá sorptunnum til að tryggja að aðgengi sé gott svo að sorphirða gangi sem greiðast fyrir sig. Tæknideild Fjallabyggðar og Íslenska gámafélagið